The following is the original Latin passage translated in the text from Huber (Observationes atque cogitationes non nullae de monstris, 1748, p.6, section 4):

"Alterum monstrum ex eodem animalium genere, suillo scilicet depromtum, tantam non habet deformitatem ac prius, nec ita singularis est ejus habitus atque conformatio, paucis ea propter verbis designari quidquid singulare in eo est poterit. E pago Welheiden, ad primum ab urbe nostra lapidem sito, foetus suillus mihi afferebatur anno proxime elapso foemininus, Canini idem aliquid referens, pedibus nempe anterioribus maxillaque superiori & imprimis rostro, quae cani quam porco erant similiora; & in collo non recedebat a canis habitu. In interiori partium structura nihil singulare reperi. Non autem silentio praetereunda hic est rusticorum narratio, quam afferentes mihi porcum habuerunt, dicentes: pluries tentasse coitum cum porca matre canem quendam, atque forte peregisse. & inde peperisse foetum modo descriptum porcam illam."