“Per hos dies in Porcilio Colonia Veronensi ex Equa prodigium insigne exortum est. Fetus scilicet vivus Quadrupes equini corporis cum cervice & capite humanae figurae, que cum balbutientem horrendo vagitu vir agrestis, cuius tugurio editus est, conspexisset, rurali simplicitate conterritus harpe continuo mutilavit, praefixo capite in pali acie secus accessum tigurii ad transeuntium spectaculum. Qui insinuatione aliquorum ad Curiam evocatus, atque de generatione, & singulis inquisitus, cur ve sic repente ipsum necaverit, nihil presumptione dignu, nisi, quod metus invasione id fecerit, in illo compertum est. Amota cujusque alterius delicti suspicione, quod sic in patulum monstrum edidisset, cui rem occultavisse tempus, & locus facultatem obtulerant.”